Гэр бүлийн хүчирхийлэлтэй тэмцэх тухай хуулийн 15, 27 дугаар заалтыг хэрэгжүүлэх зорилгоор "Хүчирхийллийн хохирогч болон хүчирхийлэл үйлдэгчдэд сэтгэлзүйн зөвлөгөө өгөх эмнэлзүйн гарын авлага" танилцуулах сургалтыг Сэтгэцийн эрүүл мэндийн үндэсний төв нь Эрүүл мэндийн газартай хамтран 2019 оны 11 дүгээр сарын 28-29-ны өдрүүдэд зохион байгууллаа. Уг сургалтанд Эрүүл мэндийн газар, Цагдаагийн ерөнхий газар, Шүүхийн шийдвэр гүйцэтгэх газрын холбогдох мэргэжилтнүүд болон 17 сумын эрүүл мэндийн төвийн эмч нар хамрагдсан.