Мөрөн сумын Эрүүл мэндийн төв нь анх 1937 онд хүний бага эмчийн салбар нэртэй байгуулагдаж анхны эмчээр Шаарий Гомбо ажиллаж байсан түүхтэй. 1975 оноос хүний их эмчийн салбар болон өргөжиж эрхлэгчээр Э.Чүнсрий ажиллаж байв. 2008 оноос Монголын Шинжлэх Ухааны академийн академич, доктор, профессор Цэндийн Хайдавын нэрэмжит эмнэлэг болсон. 2012 оноос сумын эмнэлэг нь Эрүүл мэндийн төв нэртэй болж эрхлэгчээр их эмч клиникийн профессор Д.Энхтуул эмч ажиллаж байсан. 2016 оноос эрхлэгч их эмчээр Н.Жавзандулам, эмчлэгч их эмчээр Ж.Амартайван, их эмч Б.Гандолгор нар ажиллаж байна.
Мөрөн сумын Эрүүл мэндийн төв нь 6 ортой 19 хүний бүрэлдэхүүнтэйгээр үйлчлэх хүрээний хүн амд нийгмийн эрүүл мэндийн болон эрүүл мэндийн тусламж үйлчилгээг ая тухтай орчинд мэргэжлийн өндөр түвшинд тэгш хүртээмжтэй чанартай хөнгөн шуурхай үзүүлж байна.
Манай хамт олны дотор :
Эрүүлийг хамгаалахын тэргүүний ажилтан :
их эмч Н.Жавзандулам ,эх баригч С:Энхтуул , бага эмч А.Өнөрцэцэг, багийн бага эмч Б.Мягмарсүрэн, сувилагч Л.Энхцэцэг, сувилагч Н.Намжилмаа,сувилагч Ч.Алтанзаяа, үйлчлэгч Х.Нэргүй
Эрүүл мэндийн яамны жуух бичиг :
Сувилагч М.Ихбаяр,сувилагч Д.Галхүү,тогооч Н.Жаргалсайхан, галч С.Наранмандах
Онц тээвэрчин: жолооч Я.Энхбаатар нар шагнагдсан амжилттай ажиллаж байна.
Дотоод гадаад тохижилт , тоног төхөөрөмж :
2014 онд 2 давхар шинэ эмнэлэг ашиглалтанд орсон . 2015- 2016 онуудад улсын болон сум хөгжүүлэх сангийн хөрөнгө оруулалтаар зүрхний цахилгаан бичлэгийн аппарат , эхо аппарат , хяналтын мониторинг, хүчилтөрөгч өтгөрүүлэгч, зөөврийн кварц болон бусад яаралтай тусламжийн багаж тоног төхөөрөмжөөр хангагдан ажиллаж байна. 2017 оны 08 сарын 19-21-ний өдрүүдэд ЭМТөвийн 80 жилийн ойн арга хэмжээг зохион байгуулсан.
