Эрүүл мэндийн сайдын 2020 оны А/259 дүгээр тушаалын хэрэгжилтийг хангах ажлын хүрээнд 2020 оны 06 дугаар сарын 29, 30-ны өдрүүдэд Хэнтий аймгийн сургагч багш нарыг бэлтгэх сургалт зохион байгуулагдлаа.

Сургалтыг ЭМЯ, ДЭМБ, ХӨСҮТ, УКТЭ, ЭХЭМҮТ, АШУҮИС-аас 11 хүний бүрэлдэхүүнтэй баг  Эрүүл мэндийн газар, Нэгдсэн эмнэлэгээс 20 сургагч багш бэлтгэж, Нэгдсэн эмнэлгийн үйл ажиллагаанд үнэлгээ хийсэн. 2020 оны 06 дугаар сарын 30-нд аймгийн Засаг даргын орлогч, Нийгмийн бодлогын хэлтсийн дарга, Мэргэжлийн хяналтын газар, Хөдөө аж ахуйн газар, Онцгой байдлын газар, Эрүүл мэндийн салбарын төлөөлөл бүхий 12 хүнтэй уулзалт, сургалт зохион байгуулж, цаашид хэрэгжүүлэх арга хэмжээний чиглэлийг танилцуулан ярилцсан.