Хэнтий аймгийн эрүүл мэндийн газраас Дэлхийн эмч нарын өдрийг угтан “Судлаач эмч-2022” Эрдэм Шинжилгээний Хурал амжилттай зохион байгуулагдлаа.                                                       

Хуралд нийт 14 илтгэл хэлэлцүүлсэн бөгөөд Тэргүүн байранд  “Хэнтий аймгийн эрүүл мэндийн салбарын мэргэжилтнүүдийн ажлаас халшрах хам шинжийг судалсан нь Аймгийн НЭ-ийн мэдрэл сэтгэцийн тасгийн их эмч А.Баярмаагийн  судалгааны ажил

Дэд байранд “Хэнтий аймгийн нэгдсэн эмнэлгийн эрчимт эмчилгээний тасагт шинэ коронавируст халдвар /Ковид-19/-аар эмчлүүлэгсдийн нас баралтын эрсдэлт хүчин зүйлийг судлах нь” Аймгийн НЭ-ийн Эрчимт эмчилгээний тасгийн их эмч     Б.Чимгээ, Г.Алтансувд, Д.Мөнхзул, ЭМГ-ын НЭМХ-ийн М.Солонго нарын сэдэвт судалгааны ажил

Гуравдугаар байранд “Хэнтий аймагт бүртгэгдсэн  хүн, малын боом өвчний тархвар зүй” сэдэвт ЗООНОЗ өвчин судлалын төвийн Л.Эрдэнэчимэг^, Г.Ганцэцэг Ц.Гэрэлмаа, Ч.Эрдэнэчимэг, Ц.Ууганбаяр, Т.Сансарбаатар, Х.Мягмарбат нарын судлаачдын  илтгэл

Тусгай байранд “Ковид-19 халдварын цартахлын үед хүүхдэд зонхилон тохиолдох өвчлөл, нас баралтын тэргүүлэх шалтгааныг үнэлэх нь” ЭМГ-ын НЭМХ-ийн ахлах мэргэжилтэн М.Солонгын, “Шинэ Короновируст халдвар /Ковид-19/-аар өвдсөн жирэмсэн болон төрсөн эмэгтэйчүүдийн хүндрэл, эрсдлийг тооцох нь”сэдэвт АНЭ-ийн Б.Уранчимэг, Н.Ариунаа, Т.Оюунбилэг, Б.Наранбат их эмч нарын илтгэлүүдээр тус тус шалгарлаа.

Нийт судлаачдын цаашдын судалгааны ажилд өндөр амжилт хүсье.