Аймгийн Засаг даргын 2025-2028 оны үйл ажиллагааны мөрийн хөтөлбөрт орон нутагт зонхилон тохиолдож буй халдварт бус өвчнүүд, ялангуяа хорт хавдраас урьдчилан сэргийлэх, эрт илрүүлэх, оношлоход цаг алдалгүй тусламжийг үзүүлэхэд чиглэсэн заалтыг тусган ажиллаж байна. Үүний хүрээнд " Хавдрын эсрэг хамтдаа" арга хэмжээг хэрэгжүүлж эмч мэргэжилтнүүдийг ажлын байранд нь чадавхижуулах сургалт, сумын түвшинд хүн амд явуулын хэлбэрээр үзлэг, оношилгоог зохион байгуулан ажиллаж байна. 11-р сарын 06-ны өдрөөс эхлэн НЭ-ийн нарийн мэргэжлийн эмч нарын баг Өмнөдэлгэр, Гурванбаян, Батширээт болон Биндэр сумдын 436 хүнийг урьдчилан сэргиийлэх үзлэг, оношилгоонд хамруулснаас хүүхдийн зүрхний гажиг-1, хавдрын сэжигтэй-9 тохиолдол шинээр илрүүлэн хяналтанд авсан.