ЭХЭМҮТ-ийн Хүүхдийн эмнэлгийн Зүрх судас, холбогч эдийн эмгэг судлалын тасаг нь АНУ-ын Самаритан сан байгууллагатай хамтран “Хүүхдийн Зүрх” төслийг хэрэгжүүлэн ажиллаж байгаа бөгөөд уг төслийн хүрээнд ЭХЭМҮТ-ийн хүүхдийн эмнэлгийн зүрхний эмч нар Хэнтий аймагт 2 хоногийн турш зүрхний төрөлхийн гажгийн илрүүлэлтийн үзлэг, зүрхний эмгэг сэжигтэй хүүхдүүдэд зүрхний эмчийн үзлэг, зүрхний хэт авиан шинжилгээг нийт 65 хүүхдэд хийж зүрхний төрөлхийн гажигтай 3 хүүхдийг төсөлд хамруулж АНУ-д зүрхний нээлттэй мэс засалд үнэ төлбөргүй оруулахаар боллоо.
Мөн 2022.08.25-28-ны өдрүүдэд “Хүүхдийн зүрх судлал, ревматологийн эмгэгийн оношилгоо, эмчилгээ” сэдэвт 2 кредитийн сургалтыг зохион байгуулсан бөгөөд сургалтад АНЭ, сум, өрхийн эрүүл мэндийн төвийн нийт 35 эмч, мэргэжилтнүүд хамрагдлаа.
