Аймгийн хэмжээнд бага насны хүүхдүүдийн дунд 2023 оны 04 дүгээр сард цочмог халууралттай, цэврүүт тууралтын хамшинжийн 26 тохиолдол /САЛХИНЦЭЦЭГ-15, ГАР ХӨЛ АМНЫ ӨВЧИН-11/бүртгэгдсэн. 05-р сарын 05-ны байдлаар цочмог халууралттай, цэврүүт тууралтын хамшинжийн 24 тохиолдол /САЛХИНЦЭЦЭГ-2, ГАР ХӨЛ АМНЫ ӨВЧИН-21/ бүртгэгдэж тууралтат халдварт өвчний тохиолдол ихсэх хандлагатай байна. Аймгийн нэгдсэн эмнэлэгийн халдвар судлаач эмч 3-р цэцэрлэгийн багш, ажилчдыг сургалтанд хамруулж, сумын эрүүл мэндийн төв болон өрхийн эрүүл мэндийн төвүүд харъяа цэцэрлэг, яслийн хүүхдүүдэд үзлэг хийж, халдварт өвчнөөс урьдчилан сэргийлэх арга хэмжээг авч ажиллаж байна.