Гамшиг, онцгой байдал болон зудын үед хоол тэжээлийн дуталд нялх, бага насны хүүхэд болон жирэмсэн эмэгтэйчүүд, хөхүүл хүүхэдтэй эхчүүд өртөх магадлал өндөр байдаг. Иймд зудтай орон нутгийн эрүүл мэндийн ажилтнуудад хоол тэжээлийн дутлыг илрүүлэх, эмчлэх, хүүхэд, жирэмсэн, хөхүүл эхийн хооллолтын байдалд зөвлөгөө өгөх, бичил тэжээлийн бэлдмэлээр хангах, түгээх, хяналт үнэлгээ хийх арга зүйг эзэмшүүлэх зорилгоор 11 сумын 35 эмч эмнэлгийн мэргэжилтнүүдийг хамрууллаа.