Монгол улсад үндэсний хэмжээний лавлагаа тусламж үйлчилгээ үзүүлдэг Эрүүл мэндийн яамны харьяа улсын төрөлжсөн мэргэшлийн УЛСЫН ГУРАВДУГААР ТӨВ ЭМНЭЛЭГ, “ХААН БАНК САН”-ийн дэмжлэгтэйгээр “Цусны даралт ихсэлтийн эсрэг аян”-ийг 2017 онд Улаанбаатар хотод, 2018 оноос НЭМҮТ, 2022 оноос МҮОНРТ-тэй хамтран 16 аймагт 43 мянга гаруй иргэдийг цусны даралт ихсэлтийн эрсдэлээс сэргийлэх үзлэг оношилгоо, сургалт мэдээллийн үйл ажиллагаанд хамруулан ажилласан юм. 2024 онд зүүн бүсийн 4 аймагт “Цусны даралт ихсэлтийн эсрэг аян-2024”-ийг хэрэгжүүлэхээр төлөвлөн 08 дугаар сарын 18-аас 08 дугаар сарын 20-ны өдрүүдэд Хэнтий аймагт зохион байгуулахаар ажиллаж байна.